恭喜晒

今日做GYM, 撞返以前中學時既死黨. 當日大家都叫佢做"Ming仔", 10年後, 我地都改晒口叫佢"郭大夫". 對上次見佢, 應該係佢結婚果日, 都兩年幾前既事. 難得今日有緣相遇, 誓必飲杯凍奶茶, 吹下水. 可惜相逢恨晚, 傾左一陣佢就要回家報到...(唔通, 我婚後都會變灰威仔...汗""") 郭大夫臨走前, 暮然回首, 輕輕地說"我老婆有左, 五月預產期". 威哥突然又想喊, 感性地輕輕回了一句.."恭喜晒呀"~~

回到家, 我脫下身上既衣裳, 對著鏡子檢視一下今天既成果. 慢慢地拿起花灑, 一邊哼著紅棗兒既"小小", 一邊用力地清洗今天既罪孽. 突然間, 郭大夫既背影係我腦海閃左一野........大L獲...係我赤裸裸既時候, 腦裡面閃出一個男人, 唔好玩好喎!! 我一邊抑制自己既思想, 心魔卻暗暗地為他倆送上祝福.

人大了, 越難結識真朋友. 威哥終於明白, 我亞媽點解六十幾歲人, 每年都重有搞同學會聚舊之夜..=.="

最大回報

從台灣返港已兩個多星期, holiday mood續漸減退, 再望一望對上之寫blog既日子....嘩...以為封左筆, 風繼續吹~~

(17 Dec 2007 -- 23 Dec 2007)

17 Dec 晴
我同紀茵姐懷著期待又興奮既心情到達了台灣桃園機場, 再坐需時兩時既巴士到台中, 再到酒店check in, 再到附近食個lunch, 再返酒店安頓下, 再望下錶~~好, 夠鐘出發到MasaLiLi~~
五時到達, 九時多離開. 這段期間, 威哥反覆幾句說話~~"好", "靚喎", "呢件掂呀"..etc 最終紀茵姐係我"忠言逆耳"既情況下, 選了三套白紗, 四套晚裝. 隨後再同攝影師Tommy交流下, 食d野, 就返酒店休息, 準備以最fit既狀態影輯靚相~~

18 Dec 晴
紀茵姐上完裝, set完頭行出黎, 唔.....唔....台灣d造型師真係好掂. 先拍外景, 再返MasaLiLi拍內景, 大約九時多終於拍完. 整天都是"美女笑lei, 美女下巴高, 下巴推, 老公笑喔, 老公不要假笑lei". Tommy 跟他兩個助手"小頡" & "小花"都好親切. "小威"同"小茵"都好滿意^^

19 Dec 陰
成日係酒店休息, 睇電視........可想到台中真係乜都冇, 生活都頗沉悶...=.=

20 Dec 晴
好彩個天靚返^^ 再set頭,再上裝......嘩..呢個造型冇得頂!! 今日先拍內景, 再拍外景. 呢日d景好moody, 搞到感性既威哥同紀茵姐都moody埋. 唔....唔....好既攝影就是這樣的~~

21 Dec 晴
長達七個半小時既痛苦之日 -- 13:00到MasaLiLi揀相, 左揀右揀, 左睇右睇.......最後揀出九十張相, 再分埋大相同細相簿.....約20:30跟Tommy他們拍過照, 再去搭高鐵返台北.

22 Dec 陰
台北....原來都係咁悶...=.=

23 Dec 雨
食, 行, 食, 再食, 又食..........23:00返到香港~~

昨天收到第一次校搞既相, 望住紀茵姐望住d相既笑容........唔.....唔唔....就算再辛苦d, 再悶d, 今次去MasaLiLi, 都是值得. Well....點解?? "因為型, 所以型"~~XDDDDD

(第一次校搞的相片)

攻心計

威哥近日常常:

1, 如臘筆小新般, 用雪亮既眼光黎個window shopping.
2, 有意無意間check關於"它"的newsgroup, 有意無意地給"她"看見.
3, 對"它"隻字不提.
4, 係台灣機場候機時, 靜悄悄地走左去show room玩了"它"數分鐘, 跟著平常心, 沒半點留戀地登機.

最後"她"終於頂我唔順, 於Boxing Day給了我一個白色聖誕~~ Yeah^333^

準備就緒

威哥同紀茵姐黎緊17-23號會到台中影第二輯婚紗相, 大概是第二輯的關係, 心情出奇地平靜. 打開房門, 打點一下要帶去台灣影相用的衫褲鞋. 突然心血來潮, 拿出相機, 拍下照片. 大概人和物都準備就緒了~~










不喜勿看....XDDDD

明年今日

今日威哥牛一, 三張野剛到. 零時零分, 藤原紀茵來電.

藤原紀茵: um...我唔知係咪....(咭咭)...跌左隻...(咭咭)..耳環...係你屋企....
威哥: (=.=....心諗...唔踢爆妳住).....你背景咁嘈....你係邊樹呀?
藤原紀茵: O下....你發現在拿......(驚訝地!!)
威哥: 無言.....=.= 心諗...明年今日娶左佢, 都幾有安全感~~XDDD

今日, 威哥為此Blog加上了一個Countdown Timer, 命名為Our Big Day..咭咭....咭咭...

結婚禮物

雖然威哥同紀茵姐既婚期重有成年, 但都感受到結婚......真係好多野煩. 尤其是行禮擺酒當日, 無論人/事/物/環/法大小事情, 都要煩惱一番, 差d要去考個six sigma既black belt certificate先可以安排妥當.

有一日, 威哥返都公司, 見到桌面有一袋Disney plastic bag, 打開一看.....差d想喊~~結婚當日, 可以煩少兩樣野啦^0^ Thanks Sing, Nancy & Kayleigh ^3333333333^

香港靠你地

威哥因工作性質關係, 經常會接觸到很多fresh graduate既新一代棟樑. 就小弟既愚見, 總括出由新一代教育出來既育成獸, 包括以下特徵~~

語文能力 -- 比威哥更差....
表達能力 -- 差d連自已係男定女都唔識表達
分析能力 -- 差d連威哥係男定女都分別唔到
說話技巧 -- 魔鏡咀. 灠用Conjuction. 有鄉音"LOR"
工作能力 -- 性能力會好d
工作態度 -- 唔捱得, 又要人工高
專業技能 -- Windows application including MSN, Facebook, Friendster...etc
外觀儀表 -- 電車潮著

威哥今日又遇奇人. 一條五尺四激基電車潮著男今日report duty.

威哥: "Hi 棟樑, 第一日返工係咪好累呢? 我見你又打瞌睡, 又唔留心喎? 係咪有d野唔明, 講出黎睇下我幫唔幫到你?"

棟樑: "Well, 呢樹唔係我expect要既野lor. 你知啦, 我之前搵$15-16k..um...well, plus allowance, maximum到20k......um...yup...by compare呢度9.6k...我有d disappointed lor..

威哥: "(20k好L多咩...你大我呀)咁你點解要轉工呀? 之前份工比呢樹多成100%喎?"

棟樑: "Basically....um....actually果份工成日要OT, 好辛苦, 好大Pressure lor. Besides舊公司要搬去九龍灣......you know, 我住天水圍.......其實計返d traffic fee, net income會同呢樹差唔多lor....So, 我先resign果樹, 返呢樹"

威哥: "(你搭飛機咩...) 咁你想點L樣呀?"

棟樑: "Well...出黎做野為錢既...right? 我覺得.....um..10k我會acceptable lor"

威哥: "(四舊水..=.=" well....to be honest...actually...你唔L死都冇用) OK, 我地會考慮. 你都累啦, 今日早d放工啦....byebye.

好彩威哥EQ高, 唔係實當場爆佢樽.