羅浮宮婚妙攝影

10月27日, 威哥同紀茵姐到羅浮宮影第一輯婚妙照.

我倆11時到達, 整頓好後, 化粧師ar June便帶了紀茵姐去化粧set頭, 我就俾件死肥婆捉左去試衫. 冇錯, 係死肥婆, 樣貌不評, 以下是威哥係網上搵到既comments:-

"幫我試衫條肥婆好唔得，可能見我唔加$$，俾條「板仔西褲」我，又話要抽到上心口咁著先啱。另外，因條「板仔西褲」太大，所以相對地好闊，我以為red bull送我一對翼喺隻腳到".

威哥當日同一遭遇~.~

試好衫, set好頭, 同攝影師S.K.和助手亞健自我介紹後, 便開始一日漫長既攝影旅程.

左d, 高d, 望住老婆, 手放低d, 開心d, 笑....笑到癲, 撞爆佢個頭, 咸濕d, 笑得再假d.......整天S.K.不停運用呢幾句instruction引我地笑. 雖然而家睇返d gag都幾爛, 不過當場又的確引到我地幾開心^^

我們大概影到晚上八點半, 差不多最遲走既一對. S.K.真是很專業, 完全沒有"是但"影既感覺, 每一張佢都對自已好高要求. 記得影到差不多七點半時, 我同紀茵姐既笑完全有"是但"feel時, S.K.重影上癮咁, 係同一個位幫呀紀茵組影左差不多15分鐘"Model"照. 呢15分鐘我企係一邊睇住佢教紀茵攞pose(完全唔似影婚妙影d standard pose...=.=), 突然拾回差不多10年既feeling~~~~呢條女真係正~~XDD

10月30日揀相日, 熱切期待中~~

要唔要人"臭".....~.~

威哥間唔中, 會同d老友去酒吧飲下酒, 吹下水, 談下心, 睇下女, 睇下仔咁. 不過甚少會叫d拳手坐埋黎, 原因好簡單:-
1, 我地係君子
2, d拳手好一般
3, 酒會飲少左, 埋單會貴左

上星期, 做完大隻佬特訓, 又同幾位君子落左吧吹水. 今次去左間新場, 推門入到去感覺似壞舊場.

"喂.....靚仔幾多位呀~~". 身穿one piece短裙既pink媽咪風騷地說.
"四位, 俾個卡位". 威哥冷EQ很高地說.
"卡位好迫, 一陣有'人'一齊玩會唔夠坐喎"....pink媽咪單眼咁濟...
"我地唔駛要'人', 卡位四件夠坐啦".....威哥冷EQ很高地說.

四個君子吹下吹下, 突然一件Black媽咪剎出~~

"e...飲完啦喎, 要唔要多set呀". Black媽咪谷胸地說
"埋單唔該". 威哥冷EQ很高地說.
"唔要....咁就....xxx..x.x.x..x.x.x...臭啦". Black媽咪谷胸地說
"妳講咩話....咩臭呀" 威哥小小火起, 心諗唔叫酒...都唔駛話我地臭呀.....
"唉.....冇野la". Black媽咪說
"咩呀....咩冇野.....咩臭呀". 威哥語氣重dd說
"唔駛啦, 佢地入黎都講左唔要架la^^" Pink媽咪風騷地剎出解圍

威哥停一停, 諗一諗.....叮.....DLS....
"o我, 唔駛la, 我地唔駛要女湊la......".

埋個單, 諗住快閃黨, 費事我地咁in既打扮影響個場既氣氛. DLS.....都話出冊唔好望轉頭架啦.....一回頭, 聲到影到:- "下次再黎玩啊, ^333333^" Pink媽咪堅單眼 + 鍚鍚咀地說.

大隻佬

每星期去兩次Physical做gym, 目標今年12月脹少少, 下年12月變大隻佬. 進入第三周特訓, 自已望, 肌肉真係實左; 人地望, 威哥你瘦左....=.= 所以威哥用比去藥房買turboman更大既勇氣, 走左去大隻佬舖頭, 對住個身型大我幾倍既sales..."唔...唔該....俾罐大隻佬奶..粉".

為妳鍾情

(10月5日 + 朋友 + 歡笑 + 酒精 + 介子 + 西裝 + 驚喜 + 感人+ 眼淚 + 鮮花 + 魔術 + 歌曲) = 求婚成功

祝我倆幸福快樂^^

Ocean Park

10月4日, 紀茵姐牛一, 我地決定"去玩, 去癲, 黎Ocean Park".

一想起海洋公園, 自然想起機動遊戲. 威哥怕死, 紀茵姐唔識死, 天知地知. 所以威哥前一晚已緊張得失眠, 也妄想自己有心臟病, 逃避現實. 不過現實歸現實, 10月4日晨早起床, 吃過早餐, 出發~~

可能黃金周關係, 人潮湧湧, 四處自由行, 威哥錯覺地以為自已過左關, 去左國內A貨ocean park. 購了票, 拿了Day Map, 開始"去闖, 去飛, 黎Ocean Park".

雖然威哥驚死, 但係都黎過Ocean Park數次......咦...新野喎, "SkyStar"大輕氣球. 其實未入場, 從遠處都見到, 大大個+colourful+吉祥物, 好搶眼. 可惜風大, 冇開>.< 沿路再上, 尋尋覓覓安安佳佳樂樂盈盈得戚. 威哥第一次見熊貓, 佢地又真係幾得意^^ 樂樂盈盈

紀茵姐見威哥見完熊貓, 心情舒緩左, 立刻帶威哥坐吊車過對面山頭, 刺激一下.

越礦飛車 <-- 以前玩過, 好很驚, 但我又好Enjoy
Raging River <-- 唔知點解又停開.......扼錢...=.=
Space Weel <-- 以前都玩過, 得個暈, 少少驚
過山車 <-- 排到去, 停開話要檢查.....聽到d維修人員話悄悄地說"第X Car幾轉都有漏". 我同紀茵唔敢博.....掉頭走, 唔玩.....呼~~
Eagle <-- 停係上面唔move時, 望落去......腳都軟.
海盜船 <-- 史上最驚赫遊戲. 有個小朋友坐威哥隔離, 全程"投降"動作, 冇叫; 威哥鐵都渣爛, 叫到癲.....
跳樓機 <-- 多謝紀茵姐南海放生, 威哥感激不盡^^
海洋劇場 <-- 睇完有d懷念海威 >.<
Atoll Reef <-- 突然想玩潛水, 想摸下佢地.
旋轉木馬 <-- 冇左, 得返旋轉熊貓...=.=

日落西山, 場內播起哈佬喂音樂:-
紀茵姐: "威哥, 下年我地黎哈佬喂lor"
威哥: "好, 一言為定 ^3^"

高級會所

威哥今日晨早起床, 滿懷興奮的心情, 到喇沙書院參加七人足球賽. 說實話, 威哥境不算富裕, 所以很少會接觸到呢d地靈人傑的"高級會所".

一到步, 嘩~~ 大大張banner由天台直插地下 --"75th anniversary". 重要加埋Michael係Prision Break裡面經常講既坐右銘"Faith". 唔講我真係以為係電影海報添. 威哥見未夠鐘開波,決定四圍逛逛, 感受一下校內既貴氣.

兩個Fitness room, 數個演講室, 男洗手間有坐和"mou"兩種, 停車場, 護衛員.......etc. 係...你冇睇錯, 真係"實Q"都有, 其實我懷疑SDU都有, 不過佢地未帶mask, 所以先分唔出.

樓梯轉角, 重大發現, 我眼前見到每間學校都必備既小食部, 而且佢真係大大隻字寫住"小食部" instead of Lasalle Cafe. 見肚餓, 不如食飽先踢. 威哥叫了餐蛋米 + 凍奶茶(竟然有水吧@@). 小食部efficiency好高, 不出一分鐘, 已經搞惦晒, 放係我面前.

"我心諗, 咁快煮好, 食剩ka...開麵蓋, 睇下咩料先"

嗯, 不錯 -- 福字米, 味精粉未溶, 完整圓形午餐肉, 隻蛋是較早前煎落~~突然勾起威哥中學既回憶, 搞到威哥食到差d想喊. 不過此"小食部"始終比其他校內的小食部高一班, 因為威哥當時是一邊食福米, 一邊食最愛既Marlboro.