大日子

一梳梳到尾, 二梳白髮齊眉, 三梳兒孫滿地.........well, 重有幾個鐘, 威哥就要去接紀茵姐返黎. 問威哥緊唔緊張? 呢~少少緊張la~.~

我同紀茵姐會好好enjoy今日, 多謝大家出既每一分力同時間, 祝今day事事順利~~Yo~~~

無限感動

今日收到一個Madam既電話, 佢話我知....

"威哥, 我調唔到假, 不過我請左假黎飲你果餐~~"

威哥感動到想喊咁滯 >.<

祝福 . 心願達成

話咁快就返左黎, 成年都冇乜點溝通, 記億中只send過一封email和搶過一次電話講左數分鐘. 今晚在一個很特別的地方重逢, 甚麼也沒變, 感覺不錯~~

斷片驚魂

近呢幾年, 成日斷片, 重要斷到離晒譜, 坐街, 訓街樣樣齊. 好彩每次都有紀茵姐照住, 先未至於入差館打劫. 每次斷完片, 聽返佢地話你琴晚點樣點樣, 自已都覺得好好笑, 有時睇埋相, 真係笑到肚都爆咁濟. 威哥琴晚又斷, 俾個擺滿月酒既媽媽KO左. 今日返到公司, d同事照舊講返....威哥你琴晚點樣點樣...好搞笑...哈哈...哈哈哈....呀, 係喎威哥, 細S你送你返去果陣, 你冇對人毛手毛腳呀ma...哈哈....哈哈哈~~ 一聽到呢句, 個腦係咁倒帶, PK la呢獲, 好似真係有d好濛既image係個腦到, 我個頭放過去細S個膊頭到tim....但係當時d手手腳腳既位置, 完全冇印象. 死啦......我做過d咩呢...好L驚, 究竟當時好似王晶咁, 定係好似劉華咁呢 (諗起都心寒). 威哥整天心情勁不安, 好幾次想去扮下講聲thank you, 但係又驚最後要講sorry...=.=". 不過睇亞細S今日係公司既反應, 我估都冇乜大問題出過. 威哥第一次感受到失去記憶既恐懼和不安. 經過今次, 下次都係唔好亂咁斷片, 免得下次真係走入差館打劫....呼~~

望住我....望住我.......

EOS 1Ds MarkII, 小白IS, 外置閃燈, 電池箱, 柔光罩. 嗯...應該差不多吧. 看看手錶, good...現在出發, 應該還趕得及, 站前排, 應該沒問題的. 呼...什麼心情竟然有點兒緊張...呼...不要怕...我有最好的器材, 也不是新手, 行內也算是大師級.........呼.......放鬆一點, 應該沒問題的............um...還是穩陣一點, 把短梯也一走帶去吧, 如果真的站不到前排, 也許會用得著......um...不竟我是老手.....

購票進場, 看看手錶....good...時間剛好. 今年人很多, 看來我的短梯沒有"白"帶了. 呼....要開始了......放心, 今年一定好有好的作品.......yes....加油呀......呼.........10...9....8...7...6.. 5..4..3..2...1...

"望住我....望住我.......望住我....望住我.......望住我....望住我.......望住我....望住我.......望住我....望住我.......望住我....望住我.......望住我....望住我.......望住我....望住我......."

可惡....明明光圈先決...為甚麼拍出來會偏暗. 呼....冷靜點, 我是老手, 而且有專業既器材, 一定能找出原因....不出所料...原來沒開閃燈. Yes...再黎...

"望住我....望住我.......望住我....望住我.......望住我....望住我.......望住我....望住我.......望住我....望住我.......望住我....望住我.......望住我....望住我.......望住我....望住我......."

攝影是一個專業, 一種藝術. 攝影不該是這樣的~

新發現~

多年來, 都是用photoshop為相片加相框. 多年來, 還是不懂用photoshop為相片加一個白色的相框.......
前兩天, 無意中在網上找到了一個加photo frame的freeware. Size細, template多, 方便易用, 很快便set了以下兩款白色的相框, 實在very good~~

大家如有興趣, 可上google searh "photosworks", 帶佢返屋企~XDDD

終於入手~~GR Digital II

我地隊波叫******OLE******

五年先一潤, 一定要記低佢~~

不解之迷

每逢夏日炎炎, 索女們都會變晒老師咁, 出試題俾你地班君子估餐死. 不過近年試題久新意, 年年都出拆炸彈題, 只要你有睇pass paper, 唔好俾果d五顏六色既線擾亂, 就必定能夠搵到果條收係最底既透明引爆線.

今年夏天又到, 威哥本以為索女們都冇咩新招出, 諗住都係見彈拆彈. 誰不知道高一尺, 魔高一丈, 近日發現好多"消失的鏈咀"係街上行走. 冇pass paper, 冇standard answer.....到底有冇鏈咀....到底係十架定係皇冠.......到底迷底是.......到底.......為甚麼呢???

OK歡迎您~~

到日本旅遊, 另威哥最深刻是新宿和涉谷的國寶, 以及商店服務員的服務態度. 記得有一次和紀茵姐到原宿Fancl House買化粧品, 未入門, 先來甜美既歡迎語 "xxx xxx 啦些". 隨後一對國寶上前笑住係咁"呢..呢...呢", 紀茵姐又笑住又係咁"xxxing...xxxed....tks"...見佢地各有各講, 但又好像溝通到, 最後成功買到少少戰利品. 俾錢時...佢地又係咁"呢...呢....呢....ing...ed....tks." 最後國寶包到件貨好靚, 當我伸手拿起個靚靚袋時, 國寶們一邊"斯咪媽些....斯咪媽些"從我手中拿回靚靚袋, 再一路"呢...呢...呢....些...些....些"咁送我同紀茵姐出門口, 最後以一個完美既曲體動作完成左佢地呢單鵰. 出左門口, 我同紀茵姐異口同聲...."呢d服務態度....就算劉華拍多十個廣告.....香港都見唔到~~呢!!".

事隔多年, 劉華效應見成果, 因為小小小原宿, 近日好似移種城堡咁去左我屋企樓下間OK便利店. 有時間既話, 絕對值得抽空黎行一轉~~

一入門口, 店務員姐姐大喊一聲...."屍生, 柯基呼形你你你.......". 全身一寒, 好似中左毒咁, 都係快d拎盒檸檬荼, 俾錢快走~~

見你揀緊野, 店務員姐姐又大喊一聲...."屍生, 扯荃片姦姦姦......". 阿妹, 忍有個限度....咪再黎...

俾錢時, 店務員姐姐又呼哈咁大喊一聲...."屍生, 沙你一百, 找你搞實五蚊....五何". 重要整多句.."以唔以加五蚊溝買咳百利朱古澀呢, 何何蝕嫁喎" ......um...唔駛la, 唔該. "屍生...以唔以親食呢?"......um...都好, 增值一百唔該...."屍生....沙你一百, 親食一百, 始對餘額...屍生....呼形你關能柯基便利店....byebye~~".

日本國寶

很少單拖出現既威哥, 前幾日因朋友仔生日, 被邀請到尖沙咀一樓上吧玩樂. 一推房門, "Hello Everybo...." 嘩......九成人都唔識. 平時都係同d識既朋友仔飲野, 突然咁多人唔識, 都係扮下怕羞先. um..咁既環境, 都係快d搵個位坐低, 飲杯野, 觀察下環境, 再仔細分類......

Prerequisite : 男鋁鑵日已分類
分類1 -- 本土人
A: 你好呀, 我叫威哥....
B: Hi, 整舖先.....3個2....4個3....6個6......7個8.......飲!!

分類2 -- 外國讀完書返黎既本土人
A: Hello, 我叫威哥
B: ar?? 煇哥?
A: 唔係呀....威哥呀^^
B: Oh..sorry....is it 威哥
A: 嗯, 冇錯呀. 你地3 years old 就去左外國拿?
B: No, I have been there after HKAL..
A: oh..I see^^

分類3 -- 日本人
A: Hello, 我叫威哥
B: "呢" ?? Sorry, I..東 撈 can東nese
A: Hello, I'm brother Wai...Nice to meet you. You left HK around 3 years old?
B: Hello, nice to meet you. 唉 come from Japan
A: (ee...e) "u lose school, 唉屎dad lu"
B: 呢?? (sweet sweet)
A: I speak japanese, you don't understand?
B: smile (sweet sweet)
A: What's your name?
B: Lie, 鐘文叫"理繪" (嘩...拎起我隻手, 用手指係上面寫俾我睇~.~ 寫錯重要用手擦....嘩...有冇真係咁可愛先 XD)
A: oic
B: smile (sweet sweet)
A: Let's take a photo^^

K&T T&K 4 Dec 08

心血來潮, 拎左對介子出黎, 左睇右睇, 左影右影. 雖然明知紀茵姐識緊箍咒, 但係都好期望帶上它的那一天...犯賤...=.="

緣份

威哥一向相信緣份. 無論係long term既親人, 老婆, 朋友, 同事, 拖友, 波友, 網友.....甚至乎係Boutique出面等人既一班你眼望我眼既short term"企友", 這些相遇, 這種緣份, 威哥也珍惜.

踏入2008年, 威哥合指一算, "她"...都應該係同威哥最有緣既一位, "她"...每個月都以不同型態來接跟威哥, "她"....

Jan 08 -- 真身直逼眼前

Feb 08 -- 化身為型女髮型師, 為威哥修髮 (無相眼....>.<)

Mar 08 -- 化身為索女化妝師為我既Big Day化妝, 紀茵姐既大恩大德, 威仔沒齒難忘

Apr 08 -- 化為文字, 陪威哥終老

不爽事

威哥不爽, 不吐不快:-
1--見到男人幫"條女"拎手袋
2--小情侶著情侶Tee (男果件寫 "LO", 女果件寫"VE", 出街要排位果隻)
3--小情侶係巴士上層後坐...咀呀, 攬呀, 咩呀, 咩咩呀. 死都唔坐前坐~~
4--朝早返工坐巴士, d人大大聲講電話, 一係唔接電話, 一係開到部電視鬼咁大聲.
5--見到公司厠板有屎....la sing...
6--麵包價錢永遠唔係齊頭...要加d毫子尾數....
7--香港經濟太好
8--Game評話PS3好很廢
9--新GTR炒左兩架
10--見到胡杏兒做戲個樣~~

真威哥閃咭

Album: 17-21 Dec 2007@ MasaLiLi (Final)
Changed: Feb 17, 2008.
Contains: 91 items.
Viewed: 1568 times.

相信紀茵組有幾鐘意都好, 都冇理由會睇到千幾次. 一查之下, 原來因為呢條link~.~ 好彩disable左right click, 唔係四圍都有我地d閃咭~~
http://www16.discuss.com.hk/viewthread.php?tid=6333914&extra=page%3D1&page=1

呢期威哥除左kayleigh playground必click之外, 呢條link都必去, 睇下有冇留言~~XDD

千載不變

以前讀中學會考和A Level, 好多時會約埋d老死一齊去沙田圖書館自修室讀書. 呢個自修室係唔需要入會費既, 所以以先到先得既方法霸地盤. 因為驚冇位, 我地會好早去排隊, 八時恭候, 九時入席. 入席後, 拿出厚厚既書本, pass paper, 計數機, 草搞紙和筆, 整整齊齊咁放係枱面, 很心急地等大約十五分鐘, 等呀等....又等呀等......等獄卒開始放人自由出入之後, 我地就會出去大會堂長梯煲煙...繼而去機舖打機...直至午市開市時, 又死返去排隊...再等十五分鐘....繼而~~

近日大佬琦退左休, join我地去大隻佬特訓. 就係因為咁, 原班人馬再現大梯~~

"喂......好肚餓.....點做gym"
"食d野先去做啦..........不如"
"嘩....食埋好夜喎......上到去都係做得一陣"
"咁...咁點.........一係去沙龍打波啦....順手食咖哩雞肶飯...."
"係咪先....我冇所謂..."
"是但啦....係就快..."
"還惦今晚夜左....聽日先做我都冇問題......"
"係啦....聽日先, 今日又好似夜左d......同埋好凍, 唔係好想做..."
"咁不如打快四啦咁...."
"我冇所謂....."
"我都冇..."
"又會變到咁既.....唉...是旦...我都冇所謂........Go!"

就係咁, 由做大隻佬特訓, 變左去四方城特訓. 就係咁, 十幾年前既景象, 仿如再現眼前. 就係咁, 觸犯十誡之一, 俾紀茵姐大罵一場.....就係咁......唉~~

又多隻老鼠女

19 Feb, 09:05~~7.5磅既喜兒出世!!

今日放工同紀茵姐去左探佢, 肥嘟嘟, 眼碌碌, 成個貴花田咁~~XD

難得

今日又去左同個朋友飲野, 中途紀茵姐來電, 威哥報個位置後, 帶埋紀茵姐黎掃場. 三個人飲到一點左右, 食個宵夜, 再各自歸家. 回家途中, 紀茵姐陰陰咀笑..

威哥: 妳笑乜??
紀茵姐: 冇呀, 覺得你出黎工作後都搵到人可以傾計, 好難得jar ma ^^
威哥: 都係ka~~

STARLIGHT~~容祖兒演唱會2008

先唔講演唱會內容, 係呢樹真係要再次多謝Hui Man幫我拎到張咁正既飛. 正所謂係個廣告牌前, 自已都變左個名星咁. 藍亦邦, 新Boys就係我前面, 向後望重見到Mani, 蔡一傑, 劉美君.......同埋伯母添. 而且對正正面台中間, 45度傾斜舞又對住我, 滾筒舞直頭係我面前跳咁滯, 幾想伸手扮dancer滾埋一份. 重有........我覺得紅棗成日望住我~XDD

今次紅棗2008演唱會同2005果個分別都幾大. 2005玩嘉賓, 玩禮品, 玩遊戲. 2008人成熟左, 明顯係玩唱功, 玩舞台設計, 玩跳舞. 重要玩埋冇嘉賓, 冇真情演講, 連衫都係個台換, 由頭唱到尾. 不過對於我呢d好熟識紅棗d歌既人, 簡直係享受過Edison. 相反對於唔係咁熱愛紅棗既觀眾, 開頭果段都會幾悶, 一連串慢歌, 冇dancer, 冇道具. 加埋紅棗既現場唱功, 真係同係屋企播CD冇乜分別.

演唱會高潮起於一首"未知", 再一串耳熟能詳既快慢歌.....即係"心淡", "爭氣" 同"全身暑假"帶紅佢果d歌仔. 坐下面既人企晒起身, 一路用入場送既吹氣棒棒打拍子, 一邊跟住佢唱, 威哥重一邊彈跳tim. 就係咁樣既氣氛去到假完場, 再假完場, 再真完場. 計一計, 威哥打爆左三支吹氣棒, 對腳好軟, 喉嚨沙晒....=.="

係....威哥冇用. 鬼叫佢咁早玩握手呀, 威哥都未熱身, 有d怕醜, 加埋坐係中間好難出去.......所以握手mission FAIL~~~

今次威哥為求Super Enjoy個show, 所以入場前都預左唔會點影相. 點知紀茵姐幫我影左498張相.....我去雲南都冇影咁多....=.=" Thanks 紀茵姐^3^

終於等到, 盡在不言中~~

男拳手

平時去酒吧, 人少少既就傾下心事, 甚少有啤酒妹或拳手搭枱, 就算有都俾我地彈鐘. 不過人多多既時候, 我地都會俾d拳手坐落黎玩下. 可能每次碧揚同赤武神都在場, d妹妹都唔會坐係我左右, 威哥要同d拳手玩大話骰, 差d要用mobile先知佢叫乜野骰. 上星期五同紀茵姐一群人又死左去酒吧, 七女兩男, 坐係張大枱. 旁人望, 威哥好似變左男拳手. 可能咁既原因, 有個妙齡Black Label女郎成日走埋黎威哥身邊...結果威哥"被迫之下"...XDD

--兩個頭, 一支咪
--威哥變人肉mic stand
--雙劍合壁幸運骰 <-- 紀茵姐改既
--大跳除子珊纖型蛇舞

全程紀茵姐就係我對面或身旁....不停笑......=.=" 好彩威哥平時夠君子, 同埋紀茵姐可憐威哥成世人都未試過被人咁"騷擾"--大發慈悲, 只係判威哥一星期服務令~~呼!!

威哥係一個理性既君子, 雖知啤酒妹拋眉弄眼, 乃職業所需. 不過威哥第一次成為目標, 心底裡都有一點點得意洋洋既感覺~~XDD

開心事 X 2

近日公司忙到P晒K, 正所謂睇下Joey谷都唔得閒. 好彩呢兩日有d開心野沖喜下:-

1) 事關房果個monitor唔係高科技, 所以自從PS3入手後, 成日都要夜行出廳打機. 撞正前排得果10度, 係廳打機同係隊道口打針一樣, 入晒骨~.~ 上網狂search, 見d人話原來而家有d convertor可以將色差變VGA, 咁d舊科技monitor都可以出到標清質數. 第二日, $38蚊入手一條. 開機一試, 未算高清, 又未算標清, 但總可接受~~Cool!!

2) 94-95D <-- 唔係上圍size, 係Joey concert門票坐位, 第四行坐到正中~~Thanks keeyan & Huiman~~

童話

今日威哥出左成日街, 好鬼tired. 回程時在巴士上閉目養神, 腦海中回味著數分鐘前, 跟一名靚女合唱的一首"童話". 突然, 紀茵組細細聲係我耳邊講:「你個死佬...同我一齊都掛住第二條女!!」呼....赫死我..~.~

恭喜晒

今日做GYM, 撞返以前中學時既死黨. 當日大家都叫佢做"Ming仔", 10年後, 我地都改晒口叫佢"郭大夫". 對上次見佢, 應該係佢結婚果日, 都兩年幾前既事. 難得今日有緣相遇, 誓必飲杯凍奶茶, 吹下水. 可惜相逢恨晚, 傾左一陣佢就要回家報到...(唔通, 我婚後都會變灰威仔...汗""") 郭大夫臨走前, 暮然回首, 輕輕地說"我老婆有左, 五月預產期". 威哥突然又想喊, 感性地輕輕回了一句.."恭喜晒呀"~~

回到家, 我脫下身上既衣裳, 對著鏡子檢視一下今天既成果. 慢慢地拿起花灑, 一邊哼著紅棗兒既"小小", 一邊用力地清洗今天既罪孽. 突然間, 郭大夫既背影係我腦海閃左一野........大L獲...係我赤裸裸既時候, 腦裡面閃出一個男人, 唔好玩好喎!! 我一邊抑制自己既思想, 心魔卻暗暗地為他倆送上祝福.

人大了, 越難結識真朋友. 威哥終於明白, 我亞媽點解六十幾歲人, 每年都重有搞同學會聚舊之夜..=.="

最大回報

從台灣返港已兩個多星期, holiday mood續漸減退, 再望一望對上之寫blog既日子....嘩...以為封左筆, 風繼續吹~~

(17 Dec 2007 -- 23 Dec 2007)

17 Dec 晴
我同紀茵姐懷著期待又興奮既心情到達了台灣桃園機場, 再坐需時兩時既巴士到台中, 再到酒店check in, 再到附近食個lunch, 再返酒店安頓下, 再望下錶~~好, 夠鐘出發到MasaLiLi~~
五時到達, 九時多離開. 這段期間, 威哥反覆幾句說話~~"好", "靚喎", "呢件掂呀"..etc 最終紀茵姐係我"忠言逆耳"既情況下, 選了三套白紗, 四套晚裝. 隨後再同攝影師Tommy交流下, 食d野, 就返酒店休息, 準備以最fit既狀態影輯靚相~~

18 Dec 晴
紀茵姐上完裝, set完頭行出黎, 唔.....唔....台灣d造型師真係好掂. 先拍外景, 再返MasaLiLi拍內景, 大約九時多終於拍完. 整天都是"美女笑lei, 美女下巴高, 下巴推, 老公笑喔, 老公不要假笑lei". Tommy 跟他兩個助手"小頡" & "小花"都好親切. "小威"同"小茵"都好滿意^^

19 Dec 陰
成日係酒店休息, 睇電視........可想到台中真係乜都冇, 生活都頗沉悶...=.=

20 Dec 晴
好彩個天靚返^^ 再set頭,再上裝......嘩..呢個造型冇得頂!! 今日先拍內景, 再拍外景. 呢日d景好moody, 搞到感性既威哥同紀茵姐都moody埋. 唔....唔....好既攝影就是這樣的~~

21 Dec 晴
長達七個半小時既痛苦之日 -- 13:00到MasaLiLi揀相, 左揀右揀, 左睇右睇.......最後揀出九十張相, 再分埋大相同細相簿.....約20:30跟Tommy他們拍過照, 再去搭高鐵返台北.

22 Dec 陰
台北....原來都係咁悶...=.=

23 Dec 雨
食, 行, 食, 再食, 又食..........23:00返到香港~~

昨天收到第一次校搞既相, 望住紀茵姐望住d相既笑容........唔.....唔唔....就算再辛苦d, 再悶d, 今次去MasaLiLi, 都是值得. Well....點解?? "因為型, 所以型"~~XDDDDD

(第一次校搞的相片)