結婚禮物

雖然威哥同紀茵姐既婚期重有成年, 但都感受到結婚......真係好多野煩. 尤其是行禮擺酒當日, 無論人/事/物/環/法大小事情, 都要煩惱一番, 差d要去考個six sigma既black belt certificate先可以安排妥當.

有一日, 威哥返都公司, 見到桌面有一袋Disney plastic bag, 打開一看.....差d想喊~~結婚當日, 可以煩少兩樣野啦^0^ Thanks Sing, Nancy & Kayleigh ^3333333333^

香港靠你地

威哥因工作性質關係, 經常會接觸到很多fresh graduate既新一代棟樑. 就小弟既愚見, 總括出由新一代教育出來既育成獸, 包括以下特徵~~

語文能力 -- 比威哥更差....
表達能力 -- 差d連自已係男定女都唔識表達
分析能力 -- 差d連威哥係男定女都分別唔到
說話技巧 -- 魔鏡咀. 灠用Conjuction. 有鄉音"LOR"
工作能力 -- 性能力會好d
工作態度 -- 唔捱得, 又要人工高
專業技能 -- Windows application including MSN, Facebook, Friendster...etc
外觀儀表 -- 電車潮著

威哥今日又遇奇人. 一條五尺四激基電車潮著男今日report duty.

威哥: "Hi 棟樑, 第一日返工係咪好累呢? 我見你又打瞌睡, 又唔留心喎? 係咪有d野唔明, 講出黎睇下我幫唔幫到你?"

棟樑: "Well, 呢樹唔係我expect要既野lor. 你知啦, 我之前搵$15-16k..um...well, plus allowance, maximum到20k......um...yup...by compare呢度9.6k...我有d disappointed lor..

威哥: "(20k好L多咩...你大我呀)咁你點解要轉工呀? 之前份工比呢樹多成100%喎?"

棟樑: "Basically....um....actually果份工成日要OT, 好辛苦, 好大Pressure lor. Besides舊公司要搬去九龍灣......you know, 我住天水圍.......其實計返d traffic fee, net income會同呢樹差唔多lor....So, 我先resign果樹, 返呢樹"

威哥: "(你搭飛機咩...) 咁你想點L樣呀?"

棟樑: "Well...出黎做野為錢既...right? 我覺得.....um..10k我會acceptable lor"

威哥: "(四舊水..=.=" well....to be honest...actually...你唔L死都冇用) OK, 我地會考慮. 你都累啦, 今日早d放工啦....byebye.

好彩威哥EQ高, 唔係實當場爆佢樽.

英雄大會

每年11月初, 威哥便會接到英雄帖:

地點: XXX卡拉OK
日子: 11月14日
時間: 20:00 --> 00:00 --> 內功有幾深, 頂到幾耐而定
節目: 表面上搞生日, 實際上聚集各方英雄, 比試內功.
人物: 有心人
規矩: 點到即止絕對不允許; 狂追猛打另對方氣絕身亡 is a must!!

今年如是, 11月14日威哥放工後, 食個叉油雞飯打好底, 氣聚丹田, 準時赴約. 飲飽食醉, 約四時武功全失, 盡興而歸~~

一號種子.....=.=

威哥鐘意做運動, 等別係球類運動, 可以說是逢波都o岩. 記得小學三年級時參加了學校的羽毛球隊, 由唔識打波變到校內單打一號種子(酷嗎? XD). 隨後銀禧體育中心(即而家既香港體育學院)有青訓選拔, 威哥膽粗粗走左去試, 結果Lucky地入埋選, 跟陳智才...........個亞哥陳智輝學打過二年波, 最後因上了中學被太多新事物吸引 & 青訓"西"人考試中, 威哥做唔到大字馬被逐(Main Reason), 結果威哥既羽毛球生涯就此結束...=.="

今晚13哥突然來電, 原來佢係我樓下附近book左個羽毛球場, 問我去唔去打. 逢波都o岩既我, 當然 Sure, no problem~~

很久沒打, 成晚"pant pant"聲 (威哥打中拍邊既聲...~.~), 步法又亂, 又怪手勢. 雖然再不是甚麼一號種子, 不過呢一個鐘頭真係另威哥回味無窮 ^^





<-- 好彩重識渣拍..XDD

魔鏡

迪士尼電影白雪公主, 為威哥帶來最大既回憶並不是白雪公主有幾索, 女巫有幾毒, 七個小矮人有幾矮. 而係戲裡面一塊好寸咀既大話魔鏡 -- "王后, 你好正, 可是白雪公主比你更正". (冇打錯字, 係大話魔鏡. 魔鏡講真話係大家既誤解........大老呀...王后邊忽正...=.=)

點解威哥會記得呢塊鏡? 除左佢寸咀之外, 最主要原因係呢塊鏡係現實世界四處出沒, 最hit既集中地通常係各大潮流Mall. 而變高d, 變瘦d同變大d係佢既三絕.

威哥站於華山之巔, 所以很少被魔鏡迷惑. 可惜威高一尺, 魔高一丈. 今晚做大隻佬特訓時被魔鏡搵到罩門, 一攻即破~.~ 搞到威哥一邊舉, 一邊噴, 照一照, 笑一笑; 跟住又一邊舉, 一邊噴, 照一照, 笑一笑........中左降一樣....damn!!

與偶像合照~~

威哥發現近日除了會睇紅棗兒既news之外, 都會無意識咁click左去Kayleigh Playground睇下Kayleigh今日有乜新搞作, 不知不覺間, 已經變左做佢既fan屎~~XDD

羅浮宮婚妙攝影

10月27日, 威哥同紀茵姐到羅浮宮影第一輯婚妙照.

我倆11時到達, 整頓好後, 化粧師ar June便帶了紀茵姐去化粧set頭, 我就俾件死肥婆捉左去試衫. 冇錯, 係死肥婆, 樣貌不評, 以下是威哥係網上搵到既comments:-

"幫我試衫條肥婆好唔得，可能見我唔加$$，俾條「板仔西褲」我，又話要抽到上心口咁著先啱。另外，因條「板仔西褲」太大，所以相對地好闊，我以為red bull送我一對翼喺隻腳到".

威哥當日同一遭遇~.~

試好衫, set好頭, 同攝影師S.K.和助手亞健自我介紹後, 便開始一日漫長既攝影旅程.

左d, 高d, 望住老婆, 手放低d, 開心d, 笑....笑到癲, 撞爆佢個頭, 咸濕d, 笑得再假d.......整天S.K.不停運用呢幾句instruction引我地笑. 雖然而家睇返d gag都幾爛, 不過當場又的確引到我地幾開心^^

我們大概影到晚上八點半, 差不多最遲走既一對. S.K.真是很專業, 完全沒有"是但"影既感覺, 每一張佢都對自已好高要求. 記得影到差不多七點半時, 我同紀茵姐既笑完全有"是但"feel時, S.K.重影上癮咁, 係同一個位幫呀紀茵組影左差不多15分鐘"Model"照. 呢15分鐘我企係一邊睇住佢教紀茵攞pose(完全唔似影婚妙影d standard pose...=.=), 突然拾回差不多10年既feeling~~~~呢條女真係正~~XDD

10月30日揀相日, 熱切期待中~~