(10月5日 + 朋友 + 歡笑 + 酒精 + 介子 + 西裝 + 驚喜 + 感人+ 眼淚 + 鮮花 + 魔術 + 歌曲) = 求婚成功
祝我倆幸福快樂^^
2007-10-08
Ocean Park
10月4日, 紀茵姐牛一, 我地決定"去玩, 去癲, 黎Ocean Park".
一想起海洋公園, 自然想起機動遊戲. 威哥怕死, 紀茵姐唔識死, 天知地知. 所以威哥前一晚已緊張得失眠, 也妄想自己有心臟病, 逃避現實. 不過現實歸現實, 10月4日晨早起床, 吃過早餐, 出發~~
可能黃金周關係, 人潮湧湧, 四處自由行, 威哥錯覺地以為自已過左關, 去左國內A貨ocean park. 購了票, 拿了Day Map, 開始"去闖, 去飛, 黎Ocean Park".
雖然威哥驚死, 但係都黎過Ocean Park數次......咦...新野喎, "SkyStar"大輕氣球. 其實未入場, 從遠處都見到, 大大個+colourful+吉祥物, 好搶眼. 可惜風大, 冇開>.< 沿路再上, 尋尋覓覓安安佳佳樂樂盈盈得戚. 威哥第一次見熊貓, 佢地又真係幾得意^^ 樂樂盈盈
紀茵姐見威哥見完熊貓, 心情舒緩左, 立刻帶威哥坐吊車過對面山頭, 刺激一下.
越礦飛車 <-- 以前玩過, 好很驚, 但我又好Enjoy
Raging River <-- 唔知點解又停開.......扼錢...=.=
Space Weel <-- 以前都玩過, 得個暈, 少少驚
過山車 <-- 排到去, 停開話要檢查.....聽到d維修人員話悄悄地說"第X Car幾轉都有漏". 我同紀茵唔敢博.....掉頭走, 唔玩.....呼~~
Eagle <-- 停係上面唔move時, 望落去......腳都軟.
海盜船 <-- 史上最驚赫遊戲. 有個小朋友坐威哥隔離, 全程"投降"動作, 冇叫; 威哥鐵都渣爛, 叫到癲.....
跳樓機 <-- 多謝紀茵姐南海放生, 威哥感激不盡^^
海洋劇場 <-- 睇完有d懷念海威 >.<
Atoll Reef <-- 突然想玩潛水, 想摸下佢地.
旋轉木馬 <-- 冇左, 得返旋轉熊貓...=.=
日落西山, 場內播起哈佬喂音樂:-
紀茵姐: "威哥, 下年我地黎哈佬喂lor"
威哥: "好, 一言為定 ^3^"
2007-10-01
高級會所
威哥今日晨早起床, 滿懷興奮的心情, 到喇沙書院參加七人足球賽. 說實話, 威哥境不算富裕, 所以很少會接觸到呢d地靈人傑的"高級會所".
一到步, 嘩~~ 大大張banner由天台直插地下 --"75th anniversary". 重要加埋Michael係Prision Break裡面經常講既坐右銘"Faith". 唔講我真係以為係電影海報添. 威哥見未夠鐘開波,決定四圍逛逛, 感受一下校內既貴氣.
兩個Fitness room, 數個演講室, 男洗手間有坐和"mou"兩種, 停車場, 護衛員.......etc. 係...你冇睇錯, 真係"實Q"都有, 其實我懷疑SDU都有, 不過佢地未帶mask, 所以先分唔出.
樓梯轉角, 重大發現, 我眼前見到每間學校都必備既小食部, 而且佢真係大大隻字寫住"小食部" instead of Lasalle Cafe. 見肚餓, 不如食飽先踢. 威哥叫了餐蛋米 + 凍奶茶(竟然有水吧@@). 小食部efficiency好高, 不出一分鐘, 已經搞惦晒, 放係我面前.
"我心諗, 咁快煮好, 食剩ka...開麵蓋, 睇下咩料先"
嗯, 不錯 -- 福字米, 味精粉未溶, 完整圓形午餐肉, 隻蛋是較早前煎落~~突然勾起威哥中學既回憶, 搞到威哥食到差d想喊. 不過此"小食部"始終比其他校內的小食部高一班, 因為威哥當時是一邊食福米, 一邊食最愛既Marlboro.
2007-09-29
My Ladylove
光陰似箭, 數數手指, 原來已經分開了一年. 回想當年就算多忙, 威哥都會抽空替妳洗澡一番, 妳可會記得那情境嗎? 威哥還記得, 每當為妳沐浴潤體時, 妳會把妳那亮晶晶的雙眼緊合, 不發一言, 楚楚可憐, 猶如Stephy. 當看到妳那雪白的肌膚, 誘人的線條, 我都會用盡畢生既武學, 用我雙手, 為妳一點一點地清洗, 風雨不改. 每當操著妳時, 妳會配合節奏, 用力叫, 直至聲嘶力竭~~My Ladylove, 妳可有掛念我嗎?
2007-09-28
怕醜服務生
威哥昨晚跟老死甲,乙,丙到尖沙咀Physical報名做Gym. 這幾位老死, 由中學已開始認識. In general, 我地都係－－口衰衰，少少”基”．
老死甲－－個子不高，瘦削，巨棒．
老死乙－－個子高，瘦削，單邊耳環，靚仔一個．
老死丙－－四樓高，瘦削，冇乜聲．
我地四個真男人，少少基，在reception挑選了一位男服務生(以下簡稱"L")介紹入會詳情．L請我們到梳化坐，拿出數份報名表格，正想講解時，威哥忍唔住:
威哥：請問洗手間係邊呀，靚仔~
L: ．．．洗手間要穿過．．blah blah blah....不如我帶你去la (汗中）
老死甲: 你帶呀，我又去
老死乙: 咁我都去
老死丙: 左腳搭右腳，手托腮，不發一言
小解完，L開始講解詳情．L算細心型，很多細節都很有耐性地講解:
L: 基本上你們要帶一個鎖和毛巾，因為我們公司既locker係．．
老死甲: 咁我地駛唔駛帶底褲?
L: err...(面紅中...=.=)
老死乙: 唔駛啦，濕住著返走有乜問題
老死甲: 濕住唔舒服
威哥: 唔好煩，做gym時唔著咪得lor，你地咪鬼玩ar靚仔la
老死丙: 左腳搭右腳，手托腮，不發一言
L: err....其實公司重有一個$2000蚊美容送返俾會員．．
老死甲: 係咩? 我想好似古仔咁，黑黑實實，好man
L: 唔好意思啊，我地公司唔包照燈(口窒中)
威哥: 咁不如用黎收毛啦
老死丙: 左腳搭右腳，手托腮，不發一言
L: err．．其實我地重有跳舞班，呢張係我地既dancing course scheduler..(又面紅中)
威哥: 有冇跳舞老師既相睇
L: 都有，你要唔要睇(正經地答)
威哥: 係咪係電腦睇，篤果隻
L: (超面紅中)...我....我...地係用教..教練相簿...
老死甲: 我要揀個好既
老死丙: 左腳搭右腳，手托腮，不發一言
.
.
簽好名，俾完錢，閃人，食飯．
途中L致電給我們，原來佢未拎返張底單....吹賬～～唔通佢當時真係驚我地”篤”佢，失魂落魄=.="
2007-09-24
心情snapshot
天陰陰,1號波.....灰到爆
好多朋友出現感情問題.....灰到爆
去老麥開生日會, 歡樂姐姐唔Q靚.....灰到爆
恒指直指27000.....灰到爆
Abe今日放假, 剪唔到頭髮.....灰到爆
落吧見到條扒自渣.....灰到爆
又輸波.....灰到爆
未諗到造型影相.....灰到爆
睇唔到新城紅棗唱游大童好世界演唱會.....灰到爆
Subscribe to:
Posts (Atom)