My Ladylove

光陰似箭, 數數手指, 原來已經分開了一年. 回想當年就算多忙, 威哥都會抽空替妳洗澡一番, 妳可會記得那情境嗎? 威哥還記得, 每當為妳沐浴潤體時, 妳會把妳那亮晶晶的雙眼緊合, 不發一言, 楚楚可憐, 猶如Stephy. 當看到妳那雪白的肌膚, 誘人的線條, 我都會用盡畢生既武學, 用我雙手, 為妳一點一點地清洗, 風雨不改. 每當操著妳時, 妳會配合節奏, 用力叫, 直至聲嘶力竭~~My Ladylove, 妳可有掛念我嗎?

怕醜服務生

威哥昨晚跟老死甲,乙,丙到尖沙咀Physical報名做Gym. 這幾位老死, 由中學已開始認識. In general, 我地都係－－口衰衰，少少”基”．

老死甲－－個子不高，瘦削，巨棒．
老死乙－－個子高，瘦削，單邊耳環，靚仔一個．
老死丙－－四樓高，瘦削，冇乜聲．

我地四個真男人，少少基，在reception挑選了一位男服務生(以下簡稱"L")介紹入會詳情．L請我們到梳化坐，拿出數份報名表格，正想講解時，威哥忍唔住:

威哥：請問洗手間係邊呀，靚仔~
L: ．．．洗手間要穿過．．blah blah blah....不如我帶你去la (汗中）
老死甲: 你帶呀，我又去
老死乙: 咁我都去
老死丙: 左腳搭右腳，手托腮，不發一言

小解完，L開始講解詳情．L算細心型，很多細節都很有耐性地講解:

L: 基本上你們要帶一個鎖和毛巾，因為我們公司既locker係．．
老死甲: 咁我地駛唔駛帶底褲?
L: err...(面紅中...=.=)
老死乙: 唔駛啦，濕住著返走有乜問題
老死甲: 濕住唔舒服
威哥: 唔好煩，做gym時唔著咪得lor，你地咪鬼玩ar靚仔la
老死丙: 左腳搭右腳，手托腮，不發一言
L: err....其實公司重有一個$2000蚊美容送返俾會員．．
老死甲: 係咩? 我想好似古仔咁，黑黑實實，好man
L: 唔好意思啊，我地公司唔包照燈(口窒中)
威哥: 咁不如用黎收毛啦
老死丙: 左腳搭右腳，手托腮，不發一言
L: err．．其實我地重有跳舞班，呢張係我地既dancing course scheduler..(又面紅中)
威哥: 有冇跳舞老師既相睇
L: 都有，你要唔要睇(正經地答)
威哥: 係咪係電腦睇，篤果隻
L: (超面紅中)...我....我...地係用教..教練相簿...
老死甲: 我要揀個好既
老死丙: 左腳搭右腳，手托腮，不發一言
.
.
簽好名，俾完錢，閃人，食飯．

途中L致電給我們，原來佢未拎返張底單....吹賬～～唔通佢當時真係驚我地”篤”佢，失魂落魄=.="

心情snapshot

天陰陰,1號波.....灰到爆
好多朋友出現感情問題.....灰到爆
去老麥開生日會, 歡樂姐姐唔Q靚.....灰到爆
恒指直指27000.....灰到爆
Abe今日放假, 剪唔到頭髮.....灰到爆
落吧見到條扒自渣.....灰到爆
又輸波.....灰到爆
未諗到造型影相.....灰到爆
睇唔到新城紅棗唱游大童好世界演唱會.....灰到爆

豬骨煲 + 大肚婆

昨晚威哥跟很久沒見的朋大到大角咀吃豬骨煲, 大吃大喝, 把coke談天, 盡慶而歸.

原來.....豬骨煲真是很好吃, 女人真是很偉大~~

魔獸世界

一向愛閱讀中國文學和聽古典音樂既我, 突然愛上了打online game"魔獸世界". 魔獸世界可算是當今數一數二既online game, 一個完善的online game精華, 都可在這遊戲內找到: 故事吸引, 畫功高, 月費貴, "dum波鐘".......數之不盡.

戰士 -- 血高, 攻擊力低. 主要用來"坦怪"---即是肉盾, 任人"砌", 有血出, 冇聲出.
法師 -- 血低, 攻擊力高. 主要用來"dps"(damage per second) -- 即是"剎左先講".
牧師 -- 血低, 攻擊力低. 主要用來"補血" -- 即是抽身於戰場, 卻又靜悄悄地保持血量, 不致於Game Over, 冇得玩.

人生如"戲", "戲"如人生. 今天的你, 又扮演著那一種角色呢~~

如你問我, 我只會答 -- "轉職做戰士已個多月了, 很累啊".....o矣....LS...~~

祝福

"我的志願 / 我的夢想" -- 很熟識的標願吧. 志願或夢想都會因應周遭的事和物而轉變(本人立場). 威哥是冷血動物+現實派, 現在結一結賬, 原來"我的夢想(s)"一樣也沒完夢. At least 今晚六合彩又落空了....>.<

現在的妳應在天空中熟睡. 好好地睡一覺, 醒來後好好地享受這一段旅程.

"祝福妳".....威哥字

唔怕生壞命，最怕改壞名

心血來潮, 學人地開個Blog, 打算做一個22世紀剎人綱絡中既一個小program, 大肆舒發一下情感, 壓力. Gmail, Yahoo, MSN Live 狂掃幾個blog既theme style, 紿終都係喜歡 Gmail 既Blogger, 夠簡單, 望起來舒適, 寫起來得"戚". (第一個難gag位..=.=)

Gmail Blog既registration好user friendly, 填幾隻字, click一click submit就完成. 不過我都用上了好幾個鐘先完成整個registration, 因為威哥睇Blog同睇女仔一樣 -- "外表先決", 所以打算改一個o岩我又特別既blog name, 實行先來一個虛有其表. (本人好喜歡呢個blog既topic "我地頭" )

想了很久, 又想了很久......又再想了很久.........腦內都是浮出"容祖兒, 陳法拉, 小妹, 鐵達時之家.....etc" 終於不得不承認, 威哥是創意白痴,低能...... 算吧, 真我最緊要(安慰中), click submit, "真威哥"就此誕生.

既然威哥要外表先決, 當然第一時間上Google search "真威哥"會唔會排頭位.......damn...出事了......"Turboman"~~